Diaranson mainta pa mas of menos 9:40 am polis a presenta na altura di e rotonde na Ponton, cerca di Santa Helenastraat, unda cu un ciclista a haya un desgracia y a kita cay.
Aparentemente e cadena di su bicicleta a pega, cu e consecuencia ya conoci. Na prome instante a kere cu ta trata di un accidente, pero mas bien e tabata su so cu su so.
E tabata direccion pa Playa for di Ponton riba su bais estilo Mountain Bike. Ambulance a presenta n’e sitio, caminda cu a brinda e ciclista asistencia medico. Finalmente a hib’e hospital pa tratamento avansa. Polis di trafico tambe a presenta mirando cu na prome instante a kere cu ta trata di un accidente.
