Aña pasa CIBC First Caribbean International Bank, a celebra nan di shen aña di existencia. Sinembargo nan no a logra celebra e hecho aki, debi na e pandemia.
Giovanni Atencio, country head di e banco, a menciona cu mirando cu awo cu ta un tiki mas flexibel, hunto cu e otro hurisdiccionnan, cual ta 16 banco riba 16 isla den Caribe, fo’i Bahamas te na Trinidad, cu excepcion di Boneiro, a dicidi di planta 16 mata en conhunto, conmemorando e 100 aniversario di e instituto financiero.
Atencion ta menciona cu a scoge Imeldahof, door cu nan ta un institucion cu tin hopi aña na Aruba cu ta cuida mucha. Por mira cu e plantamento como un baby cu ta drenta, nace y sigui crece y bira 100 aña tambe, hunto cu e institucion cu tin hopi tempo caba na Aruba.
Esaki sigur ta algo conmemorativo, recordando e centenario di e banco den Caribe.
Atencio a splica cu e iniciativa aki ta un idea di e coleganan di Head Office, pensando ki pa haci. Asina aki ta trece tur colega hunto den un ambiente tiki ameno y busca un caminda pa bay y planta e matanan un caminda y crece. Mirando cu nan ta cerca di Imeldahof, nan a pensa cu lo ta hopi bon pa planta ey.
Atencio a menciona di a haya bon cooperacion di Santa Rosa, kendenan a duna nan input y experticio den e ramo aki. Nan a presenta na Imeldahof, mira e situacion y a duna conseho ki pa planta den e area.
Atencio a menciona cu e acto aki ta hopi bunita, treciendo asina e hendenan hunto. Ta pone algo simbolico ilustrando e meta di e banco. Cu esaki ta duna e compromiso cu kier haci algo cu tambe kier crece den e comunidad.
