Diasabra anochi, den un Balashi Beer Garden completamente yen, a tuma luga Festival di Tumba 2023.
Un anochi super exitoso, unda cu Chendell Beaumont, compaña pa Rincon Boyz/Suona, a resulta e maximo ganado. Un tumba cu desde e prome instancia a dal duro cerca e publico presente.
Algo cu sigur a yuda carga e festival tabata e echo cu tabata tin un semi-final den final, pa cual e publico a keda te na ultimo pa sa ken lo t’e ganado.
Un bon iniciativa di e organisadonan pa asina hiba e festival bek na su nivel di antes.
Resultado final ta como lo siguiente:
Banda miho uniforma: Shine Band
Miho trahe carnavalesco: Sydney Simmons
Na di tres luga: Jerwin Hernandez
Na di dos luga: Gilliane Wester
Prome luga: Chendell Beaumont
Pabien na Chendell Beaumont, nos Rey di Tumba 2023 y tambe na Rincon Boyz/Suona cu tabata e banda cu a compaña e Rey di Tumba.
