Instituto Biba Saludabel y Activo, IBiSA ta informa na comunidad di Aruba, specialmente districto di San Nicolas, Oranjestad y vecindario cu den cuadra di “dia Mundal di Curason”, Bus di Salud ta presente riba diahuebs 28 di september 2017 na YMCA San Nicolas for di 9:00 a.m. te cu 3:00 p.m. y riba diabierna dia 29 di september 2017 na e parkeerplaats di supermercado Ling & Sons for di 8:30 a.m. te cu 3:00 p.m. pa duna servicio di chekeo y conseho di salud.
E servicio ta encera control di peso (BMI), presion di sanger, sucu den sanger y colesterol. Ademas ta duna conseho con pa hiba un estilo di bida mas saludabel. Tur control ta completamente gratis y no mester ta na yuna.
IBiSA ta pidi tur esnan cu acudi pa trece un bo carnet di AZV y/of un ID valido.
