Ta sinti cu tin cierto menasanan ta sali door di sindicato STA, riba un situacion cu tin di haber cu reconocimento di sindicato STA cerca gerencia di Elmar.
Anselmo Pontilius, mediador di Gobierno, a splica cu a tene un referendum. E sindicato a haya mayoria absoluto di e trahadonan cu por a vota, a vota pa e sindicato, STA den e caso aki. Te eynan e trabao di mediador a caba. Tin di compronde cu tabata tin intercambio di carta, cual a recomenda e partidonan mesora pa sinta y lo tabata tin un reunion dia 15 di September, cu pa varios rason no a bay door. Gerencia ta bisa cu na ultimo ora e sindicato kier a cambia e orario y nan no tabata di acuerdo. Sindicato ta bisa cu di nan parti, gerencia no ta reconoce e delegadonan cu a wordo eligi.
E pidanan ey tin cu wordo resolvi na mesa. Den caso na Elmar ta asina cu e sindicato nobo cu ta drenta, ta yega haya un contracto colectivo firma caba for di aña pasa.
E contracto colectivo eynan pa ley ta vigente y unico forma cu por cambie cu su a haya e dos partidonan bay di acuerdo pa cambia un of otro articulo. No ta asina cu ta bay negosha un contracto colectivo di nobo. Ley riba contracto colectivo ta regla e parti. Pero esey Pontilius ta kere ta e punto principal. E punto principal ta cu e partidonan tin cu sinta na mesa cu otro, palabra kico por y kico no por. Ta hopi importante. Kico por sosode den e periodo, mientras tin e contracto colectivo vigente, e sindicato legalmente ta representa e trahadornan cu a scoge cono e sindicato cu ta representa nan. E pregunta logico ta, kico e representacion ta encera, si nan ta reuni frecuentemente. Gerencia lo mest er a sinta cu nan dia 15 y e dia eynan, e puntonan di agenda, nan mes a establece kico nan lo haya. E mesun puntonan aki lo recomenda e partidonan pa reuni hunto. Si nan no ta haci’e, lo invita e partidonan pa reuni den e proximo oranan na mesa, segun Anselmo Pontilius.
Kico lo haci
Anselmo Pontilius a splica cu na prome luga, e tarea ta di sinta na mesa, pasobra na final cualkier sintuacion ta na mesa tin cu bay resolve. Den un caso manera esaki, tin discusion pakico no a sinta. Nan tabata tin palabracion cu nan lo mester a sinta y no a haci’e. Awor aki lo importante ta pa bay mesa. Bo por bay den cualkier accion, pero na final bo ta bay mesa. Prome cu pensa riba cualkier accion, ta bay mesa prome, clarifica bo puntonan, pone bo puntonan riba mesa y purba di haya otro. Si nan no por haya otro, nan por haci uso den todo caso, nan por haci uzo di e institucion aki of otronan pa por yuda sali for di e discrepancia cu por tin.
Reuni
A reuni cu gerencia prome cu referendum, e sindicato prome cu e referendum. A splica con e ley ta encera. Cada un partido, con cu bay bin, a wak’e tambe cerca nan abogadonan. Atrobe, den un situacion manera esaki, no tin negociacion di un contracto colectivo, pa motibo cu tin un contracto colectivo vigente. Si tin asuntonan diario den operacion, cu e dunado di trabao lo tin cu suministra e informacion na e sindicato y sinta scucha nan. Ta dos partido tin cu sinta manera profesional na mesa y atende loke tin cu wordo atendi.
Ta puntonan cu mester tabata riba mesa caba. No a spera di haya nan bek na oficina di Mediador. Lo invita e partidonan pa combersa di loke por y loke no por den e cuadro legal.
