Diamars pa mas of menos 12:00 pm a sosode un accidente na un T-kruising den e bario di Wayaca. Ta trata aki di un auto marca KIA modelo Rio color preto, numera A-54642 y un otro auto KIA modelo CVV color oraño, numera A-22396. E KIA color oraño tabata riba caminda di preferencia na momento cu e KIA color preto tabata subiendo caminda.
El a dal e bocht mucho grandi, consecuentemente el a dal na man robes di e auto contrario. Chauffeur di e KIA tabata keha di dolor mientras cu e pasahero di e KIA oraño a keda den shock. Pa e motibo aki a pidi pa dos ambulance pa asina atende ambos victima.
Daño na ambos auto tabata considerabel. Separa di polis y ambulance, tambe e companianan di seguro a presenta mesora pa regla tur asunto di e desgracia pa procesa e cobertura mas pronto posibel.
