Diasabra marduga polis a ricibi informacion cu lo tabata tin un palo di luz benta riba caminda net p’ariba di e veld di RCA. Na e sitio polis ta topa cu e palo di luz, cu su wayanan ta colga y/of ta benta riba caminda.
Un poco mas pariba di e sitio nan ta tuma nota di un Toyota Echo, kibra, sin plachi di number, staciona den un pida mondi. Ora a yega cerca di e auto, nan a bin haya e plachi di number tira banda di e auto y ningun persona den vecindario. A conclui cu e auto aki problemente lo a ranca e palo di luz, mirando e magnitud di e daño.
Polis a confisca e auto y hib’e warda, en espera di su doño pa e responsbilisa su mes y cubri e daño cometi.
