Faltando algun minuut mas pa Toque De Queda finalisa, polis a para y detene un chauffeur pa no cumpli cu leynan di trafico.
Tabata rond di 4.45 di mainta cu e patruya di San Nicolas a topa cu un Toyota Yaris (blanco) numera A-49855 riba caya, den area di Lagoweg.
A duna e chauffeur señal pa para pa controla su papelnan, esta si e tin autorisacion ta pa riba caya durante Toque de Queda. E no por a mustra ningun papel pa cual a inform’e cu e ta deteni. Esaki no a cay na agrado di e chauffeur cu a resisti contra su detencion. Dado momento mester a bay fuerte cu ne pa hinc’e den e vehiculo di transporte.
