Diahuebs atardi a sosode un accidente lamentabel caminda cu un manehado di un scooter a resulta herida.
Den careda 5:30PM un auto coriendo riba L.G.Smith Blvrd biniendo di abou a pensa cu regla di trafico no ta aplica na momento di sortia y for di banda drechi a bira cu intencion di drenta Adrian Lacle Blvr. sin tene cuenta cu e scooter na su man robes a sortia caba.
E manehado di scooter corectamente si a sortia y tabata den e vak y a cuminsa bira na su man robes na momento cu e auto a crusa su dilanti. No por a evita e impacto. Un sorpresa el a hiba ora el a bay dal den e auto cu a sali for di banda drechi, lora su dilanti. Ta parce cu e chauffeur no tabata compronde regla di trafico.
Polis a presenta y cuminsa dirigi e trafico cu mesora a stragna. E manehado di e scooter a resulta herida y ambulance a presenta na sitio pa atende cune.
