Diabierna anochi alrededor di 8:00 pm a sosode un accidente riba e caminda cu ta bay pa Kibaima/Balashi. Pues for di rotonde Drive Inn direccion Santa Cruz. Aki ta caminda cu chauffuer di un auto marca Suzuki modelo Grand Vitara, numera A-45438 pa un motibo of otro a baha caminda y dal contra di un baranca.
E chauffeur a resulta levemente herida pa cual ambulance a presenta p’asina brind’e atencion medico. Na final a transport’e pa hospital p’e ricibi atencion medico mucho mas avansa. Polis a cera ambos banda di caminda p’asina atende libremente cu e accidente aki.
