Dialuna mainta pa mas of menos 9:50 am, central di polis ta haya informacion di un accidente basta serio na altura di Do It Center na Savaneta.
Na yegada di patruya di Polis ta bin topa cu un auto marca KIA Model Picanto color cora numera A-62264 y un Nissan March color preto numera A-58473. E hende muhe den e Kia Picanto bayendo direccion pabao aparentemente a bira malo tra’i stuur y a bay dal den Nissan March Preto bayendo direccion pariba.
A pidi ambulance cu urgencia mirando e situacion di e chauffeur. Na yegada di personal di ambulance a atende y a logra stabilis’e. Despues a bay cu e victima cu maximo urgencia pa hospital.
Polis a cera e caminda p’asina ambulance por a transporta e victima pa hospital pa haya tratamento medico avansa. Polis di trafico y tecnico a presenta n’e sitio pa haci nan investigacion. Departamento di slachtofferhulp a presenta pa duna famia sosten den e momentonan aki.
Lamentablemente pa 12:31pm. Dr. Daza a constata fayecemento di Carmen Anastatia Simmons naci na Aruba 25 augustus 1955 (66 aña). Cuerpo Policial como tambe 24ora.com ta manda palabra di condolencia na famia di e fayecido.
