Den oranan di merdia, aproximadamente 12:15 pm ta pasa un accidente riba Sasakiweg na altura di ex House of Cheng.
manehado di un Suzuki XL 7 bayendo direccion noord cu intencion di pasa un auto cu na e momento ey tabata coriendo cu un velocidad abou su dilanti, a hay’e confronta cu trafico cu a desvia riba highway un poco mas dilanti. E chauffeur a purba di evita un choke cu e auto cu a cambia di direccion riba caminda y ta pa es motibo aki a baha caminda di golpi sin percata e palo di luz cu tabata na su banda y consecuencia inevitabel.
Chauffeur di e Suzuki a dal den e palo di luz, un persona di edad, cu a ricibi un corta profundo na su man drechi. Ambulance cu a presenta na e sitio a atende cu e herido, pero a transporte pa hospital pa asina e ricibi e atencion necesario pa e herida profundo aki. Personal di NV Elmar como tambe Polis a presenta pa asina atende cu e daño y tuma datos di locual por a tuma luga.
