Diaranson atardi alrededor 6:00 pm polis a para un auto marca Ford modelo Mustang den Franse Pas. Ta for di un rato caba cu diferente automobilista a bati alarma p’e auto coriendo malo riba caminda. E tabata trece trafico na peliger di e forma con e tabata move riba caminda.
Mirando cu tabatin un sospecho cu e chauffeur tabata bebi, a opta pa haci un test di alcohol cu ne. Na sitio, e test no a sali na fabor di e chauffeur. A surpasa e limite permiti, a detene e chauffeur y transport’e pa ward’i polis. Un rato despues, un familiar di dje a busca e auto cu a keda para cant’i caminda.
