Dialuna atardi, despues di 6:30 pm a sosode un accidente di cadena riba e caminda di Ponton. E accidente a sosode na altura di ex-iStore. E tabata entre un van Hyundai color shinishi y tres otro vehiculo.
Pa un motibo of otro chauffeur di e van no a regula su velocidad el a bay dal tras di Toyota Vitz blauw scur, cu a bay e BYD preto cu na su turno a dal e pickup Isuzu Dimax.
Polis a presenta na e sitio pa asina atende cu e accidente aki. Despues di a mira e situacion, polis a pidi presencia di ambulance pa motibo cu tabatin dos persona herida. Ambulance a presenta na e sitio y di biaha e paramediconan a atende cu ambos persona.
Polis a ripara di biaha cu e chauffeur di e van Hyundai tabata bou di un substancia. Nan a pone supla y despues a deten’e pa stuur auto bou di influencia.
Facebook live link: https://www.facebook.com/24ora/videos/354472943747878/
