Den oranan di marduga a tuma luga un accident, unda cu un chauffeur femenino bou influencia tabata envolvi. E no por a controla su vehiculo bon, debi na su estado y a dal den un truck.
E hecho aki a sosode casi 4’or di marduga riba e caminda di Morgenster, Cumana. E Toyota, Corolla shinishi, maneha pa un muhe bou influencia di alcohol, a subi caminda di Morgenster, pero no a keda na su banda di caminda. El a maneha mucho na banda robes y a dal den un truck di sushi.
Polis a yega hopi lihe na e sitio y a ripara mesora cu e chauffeur no tabata complementa bon, pues tabata bou influencia di alcohol.
No a keda otro cu detene e chauffeur pa maneha bou influencia y viola Toque de Queda, y a transport’e pa warda.
