Dialuna anochi den careda di 8:00pm, a pidi presencia di polis na altura di Bo Wah Supermarket na Sero Blanco pa un auto sospechoso. Ey polis a topa cu un homber di edad sinta den auto. A controla e papelnan di e auto y a resulta cu e no tabatin nada na ordo. Hasta plachi number ta pinta na man!
Pa pone cherry riba e bolo, ora polis a papia cu e chauffeur, e constata cu e lenga tabata basta “pisa”. Mas bien e tabata papia masha bruha. Mesora a deten’e y transport’e pa ward’i polis pa ey present’e dilanti un Sub Fiscal pa dicidi riba su encarcelacion of si ta laga un famia pasa busc’e. Un cos ta sigur, lo no permitie stuur mas pa e anochi.
