Diadomingo rond di 11’or di mainta a sosode un accidente riba Green Corridor. No tabatin persona herida.
E hecho aki a tuma luga rond di 11’or di mainta. Segun por a compronde, e Yaris riba Green Corridor tabata bahando direccion di Playa ora cu el a accidenta net prome cu yega Mahuma.
Den bisindario di Ser’i Teishi e chauffeur a perde control, a swing riba caminda y despues a bay dal den un borchi di trafico. E parti dilanti a sufri basta daño. E dama chauffeur no a resulta herida, pero si el a pasa den un tremendo susto.
