Diadomingo den careda di 7.35pm a sosode un accidente den e parkeerplaats di Holiday Inn, y den durante cual un persona a keda deteni.
Polisnan di Strand a bay na e sitio menciona y na nan yegada en berdad a topa cu e accidente y a pidi presencia di trafico tambe na e sitio. Rapidamente personal di trafico a yega pa atende cu e causante di e accidente.
Segun por a compronde, el a dal tras di un SUV. E personal di trafico a nota cu e tin sintoma di ta bou influencia, pa cual e Polisnan a pone supla. E resultado a mustra cu el a surpasa e limite y, mesora a pidi presencia di dogcatcher p’asina transporta e homber burachi aki pa warda di Shaba.
E dama di e SUV ta conta polis cu el a para pa laga un turista sali for di e parkeerplaats pa e sigui su destinacion y e momento ey e chauffeur di e Mitsubishi Lancer preto tabata biniendo cu velocidad basta halto y a bin dal tras di su auto.
Polis a atende cune y dogcatcher a presenta pa transporte pa warda di Shaba.
