Den e temporada dificil aki cada ciudadano mester tuma medidanan di precaucion pa cu su propiedadnan. Por spera cu door di e desempleo grandi por mira un aumento den e cantidad di casonan di robo, di tur cos y tin biaha ta djis personanan cu no ta horta pa bay bende pero pasobra nan mester di algo y no tin placa pa cumpr’e.
Un habitante di San Nicolas a manece sin forma cu e por mobilisa pa motibo cu ladronnan a laga su auto sin e tairanan.
Diamars pa 7’or di mainta un habitante di Sint Cristoffelbergweg a haya un sorpresa momento cu el a sali di su cas cu yabi na man pa drenta su auto. Man na cabes el a dal ora cu el a mira cu su auto falta tur 4 taira y a lague riba cuater baranca
Ta trata di un Kia Rio color cora. El a bati alarma cerca autoridad pa e caso di ladronicia debi cu anochi ora el a bay drumi. el a laga su auto ta completo staciona dilanti cas.