Un accidente un poco straño a sosode diahuebs den oranan di marduga den bisindario di rotonde di Mahuma. E accidente aki a tuma luga pa 3.30 di marduga.
Na e sitio por a constata cu e chauffeur a baha cu su Nissan March shinishi for di caminda grandi. Esaki a sosode net un poco pariba di rotonde di Mahuma, bayendo direccion pariba. Ora cu Polisnan a yega e auto tabata meymey di cadushinan.
Tabata trata di un chauffeur femenino, kende a keda afecta pa e sucedido pa cual Polis a dicidi di yama ambulance.
No ta conoci exactamente kico a causa cu el a accidenta. Pero mirando e hecho cu el a caba di traha, probablemente cansancio a hunga un rol.
