Habitantenan di Zeewijk sigur a pasa den un susto grandi ora cu dado momento a scucha un desordo bastante duro den careda di 1.45 di madruga di diadomingo.
Ora a bay investiga a resulta cu un auto desconoci a pasa dal varios vehiculo para banda di caminda.
Mesora a yama autoridadnan na e sitio cu no ta mucho leu di e warda di San Nicolas.
Entre e autonan cu a sufri daño tin dos pickup, y esun cu a sufri mas daño ta e Suzuki Baleno cu a door di e impacto a schuif hala y bay kibra ful un afdak dilanti di e cas.
No a topa e auto causante, e chauffeur responsabel a core bay, pero den su intento pa scapa a laga su bumper di auto color blanco atras.
Via investigacion lo determina ki marca di auto e ta y cu por pone man riba esun responsabel.
Daño material ta considerabel.
