Awe Centro di Bario y Deporte Dakota tabatin celebracion di Dia di Rey. Segun Secretaria di e centro, Militza Gietel, a dicidi pa combina esaki cu un fiesta tipico den bario hunto cu Union Tipico Arubiano. A uni pa por a organisa un evento diferente den bario e biaha aki.
Un publico grandi a probecha di e yamada pa asisti na Centro di Bario pa cumpra cuminda, pa topa otro Dakoteronan y pa pasa un bon rato den bario, mientras na mes momento ta celebra hacimento di aña di Su Mahestad, Rey Willem Alexander.
Parti pafo riba e plenchi patras, a haci un festival di cuminda. Tin diferente sorto di cuminda di diferente nacionalidad. Tin por ehempel Johnny Cake cu diferente fillings, tin un stand Surinam, tin stand Crioyo. Tin hopi crioyo te menos crioyo.
E festividad aki ta bay ta te cu 6’or di atardi. Pafo tin e festival di Cuminda y paden den e hal, tin e fiesta tipico cu ta conta cu 8 banda cu ta haci nan presentacion, back to back, segun Militza Gietel.
