Directiva di Centro di Bario Playa Pabao ta informa comunidad di Aruba cu nan festival di disfraz recicla,cual lo a tuma luga e siman aki, ta posponi pa e temporada di Semana Santa. Asina Dennis Burke, presidente di Centro di Bario Playa Pabao a informa.
Durante temporada di campamento ta importante pa corda riba e impacto grandi cu nos tin riba nos medio ambiente.
Pa medio di e evento aki, tur mucha entre edad di 4 pa 12 aña por participa pa traha sea un trahe of un arte traha di material uza. Enfoke ta bay ta riba e materialnan cu por wordo reuza den forma di arte creativo.
E evento aki ta pa conscientisa comunidad di Aruba riba e diferente uzo di materialnan recicla. Keda pendiente pa mas informacion durante e simannan binidero.
