Cas di Cuido SABA na San Nicolas a organisa un bunita actividad di Carnaval cu Next Level Steel & Brass di St. Maarten hibando e grandinan bek den nan tempo.
“Nan ta sinti nan mes super contento y mi kier gradici Dios cu tur nos trahadonan cu a yuda haci esaki posibel”, Judith Croes, coordinado di actividad na SABA ta bisa.
Nan tur a bini hunto y busca tshirt, decora e luga, anto asina brinda nos grandinan un dushi dia di Carnaval cu diferente actividad y musica.
Ta gradici e studiantenan stagiaire di Colegio EPI cu semper ta yuda na un forma tremendo, tambe ta gradici guia di muchanan special cu a bini join tambe e grandinan den e celebracion carnavalesco aki. “Esaki ta hopi importante pa nos grandinan pasobra tin hopi cu no por bay carnaval, nan tin esey den nan cu nan ta corda hopi tempo atras cu nan tambe a participa. Esaki ta un momento cu no ta pasa tur ora, dus treciendo nan den un ambiente asina ta hopi bunita pa nan.”
Pa mas lesa TREMPAN.COM.
