Den e periodo di Coronavirus, gobierno Hulandes lo reduci e autonomia di e islanan den Caribe Hulandes, asina e asesor Ray Bodok y e profesor di derecho constitucional na Universidad di Groningen, Gerhard Hoogers, a skirbi. E metamorfosis politico silencioso ta casi completo. Reino Hulandes, manera un biaha a pretende caba, ya no ta existi mas y parce cu Hulanda no ta ni ril ni tembla.
Lo husto ta lo husto, gobierno di e islanan di Caribe Hulandes merece atencion. Y e gobierno di Reino ta bastante complica. Pero imagina cu Hulanda ta un miembro di Union Europeo sin representacion den Parlamento Europeo. Y cu Union Europeo instrui Hulanda pa drecha su legislacion, hasta si esaki ta bay en contra di e constitucion Hulandes. Of cu Hulanda no tin bos den e decisionnan Europeo cu ta afecta directamente e Hulandesnan.
Imagina cu Union Europeo ta restringiendo cada biaha mas e accionnan di Hulanda y cu Hulanda no por para esaki. Of cu Union Europeo determina e politica cu ta concerni principalmente Hulanda, sin cu e gobiernonan Europeo rindi cuenta na e votadonan Hulandes. Afortunadamente esaki no ta e caso. E grandinan por tin e poder den Union Europeo, pero un pais relativamente chikito manera Hulanda semper por confia den ley. Sinembargo, esaki ta e realidad pa e partinan Caribense di Reino.
Dentro di Reino Hulanda tin e poder, pero Aruba, Corsou y St. Maarten no ta beneficia hopi di e derecho. E Reino aki ta consisti di cuater pais: Aruba, Corsou, Sint Maarten y Hulanda. Su relacion mutuo ta estableci den Statuut, e ley mas halto di Reino (riba e Constitucion). Reino tin un cantidad limita di tarea (principalmente defensa, nacionalidad Hulandes y asuntonan exterior) y ta cumpli principalmente atrabes di e Conseho di Minister di Reino: Tur e ministernan Hulandes, mas un representante pa isla.
Reino Hulandes bou presion enorme
Ademas, Reino ta caracterisa pa institucionnan Hulandes caminda cu e tres islanan tin biaha ta y tin biaha no ta permiti tin bos. Eynan, tur cos ta bisa y dicidi riba e islanan. Hasta den e departamento y gobiernonan cu ta (casi) completamente envolvi den un asunto di Reino, ningun funcionario ta traha den nomber di e islanan. Aparentemente, e gestion ta factibel desde ocho mil kilometer: Gobierno Hulandes ta mira su mes como un socio confiabel.
E Zeeuwen lo ta di acuerdo, basando nan experiencianan reciente cu e base militar priminti. Una bes cu cosnan sali malo, actua malo no tin sentido. Segun Statuut, protesta den e Conseho di Minister ta e unico opcion. E Prome Minister Hulandes finalmente lo dicidi si su propio gabinete ta actuando di manera rasonabel y legal. E carnicero ta inspecciona su propio carni. Solamente bo por soña cu un referee independiente.
Fuera di e cambionan cosmetico “Den Haag” a dicidi aña pasa laga e sistema sin cambio. Ningun hues por controla e gobierno Hulandes den e contexto di Reino. Den su propio pais, e gabinete aki nunca lo haya su kier. Con tabata atrobe cu e crisis di nitrogeno (stikstof)? Of cu e aeropuerto di Lelystad? E islanan ta na merced di e prome minister Hulandes. Ta aplica esaki, por ehempel, na e decisionnan di destrui ley y reglamento cu un parlamentario democratico a adopta “den exterior.”
Si algo asina sosode den un municipio (gemeente) Hulandes, nan lo por acudi na corte, pero Aruba, Corsou y Sint Maarten no por. E relacionnan den Reino no ta cumpli cu e principionan di bon gobernacion di Nacionnan Uni y e principionan general di bon gobernacion.
Y ademas Coronavirus a yega
E economianan ya debilita di e islanan a bin ta tranca y e islanan tin un gran necesidad di placa. Aunke finansas ta un asunto autonomo di e islanan, no por obtene prestamonan di exterior sin e aprobacion di Den Haag. E islanan ta haya nan mes obliga na recuri na e gobierno Hulandes.
Posicion dominante
Nos ta compronde cu e prestamistanan mester establece condicionnan pa e prestamonan. Pero mientrastanto, e Secretario di Estado di Asuntonan Interno y Relacionnan di Reino a ascende na parlamento (antidemocratico) di e paisnan di Caribe. E ta uza e crisis di corona cu un posicion legal y financiero di poder na Hulanda pa cumpli cu e aceptacion di un Entidad di Reforma di Caribe di e Ley di Reino door di consenso. Haciendo esaki, e parlamento antidemocratico aki ta introduciendo un gobierno Caribense nobo na Den Haag.
Tin e Ley di Reino cu ta pone un parti importante di e asuntonan autonomo bao di e responsabilidad di e Secretario di Estado di Asuntonan Interior y Relacionnan di Reino, como resultado di cual e gobierno autonomo y Parlamento ta desviando. Su
palabranan afectuoso ta cu e islanan no tin un opcion no tin sentido. Pakico, kico bo por eligi realmente? Ta trata literalmente di come of no come: sin cuminda, sin prestamo, pero cu un cuminda sin autonomia, sin bos y sin igualdad. Un ciudadano Hulandes arbitrario ta legal y institucionalmente mas capas di lidia cu e gobierno Hulandes.
Debi na e accionnan di e gabinete Hulandes, e Statuut ya parce no tin mucho balor como protector di e autonomia Caribense. E Statuut ta papia di igualdad y despues di autonomia y autoridad. Tur e bunita terminonan aki a perde den practica. Tene na cuenta cu esaki ta debi princpalmente na e mesun Statuut cu ta esencialmente e mesun di aña 1954. No, e Statuut no a cambia fundamentalmente den e area aki den e ultimo 66 añanan. Pero su interpretacion a cambia drasticamente. Y vooral pa e socio cu
semper a sa di a haci’e di forma unilateral: Hulanda.
E barco ta sink
E frontera ta perdi: E cambio politico ya ta un realidad. En bista di e falta legal y practica di igualdad, autonomia y control, e derecho di autodeterminacion internacionalmente estableci di e islanan, ta un barco cu a sink. Loke e socionan anterior no a kere posibel na 1954, parce di a converti den realidad na aña 2020. “Bonbini na e Reino nobo di Hulanda!”
