Diadomingo di rama a keda celebra na un forma special na Dakota, den preparacion pa e Caminda di Cruz cual lo ta e siguiente diabierna. E Caminda di Cruz mes, ta cumpli 10 aña cu nan ta haciendo esaki bibo, pasando den barionan di Dakota. Diadomingo di Rama ta e porta pa habri siman santo y awe, a tene un procesion, caminda cu habitantenan di Dakota y Aruba en General a keda invita pa bin participa y a acudi masalmente.
E procesion a pasa den e cayanan di Dakota. Prome cu a cuminsa cu e Diadomingo di Rama mes, tabata tin dos milager. Esun caminda cu Hesus ta lanta Lazaro for di morto y caminda cu un hende muhe kende ta mishi cu e mantel di Hesus, ta cura.
Despues a cuminsa cu e procesion cu ta e celebracion di Diadomingo di Rama mes. El a sali for di Caya Appeldam, drenta Patiastraat, bira na man robes den Mispelstraat, pasa den Papayastraat banda di misa, djey drenta Shimarucustraat. Den Shimarucustraat, den un mata, Sakeo, Hesus ta pidi’e baha pasobra e ta bay cerca dje. Eynan tambe tabata tin e interaccion entre Sakeo y Hesus. Despues a ta drenta Milonstraat y drenta misa.
E prosecion aki tabata similar na e Caminda di Cruz bibo. Por a mira Hesus, algun solda, e pueblo, apostelnan, cu e dia tabata presente riba e Diadomingo di Palma.
E mesun integrantenan tabata tey presente, pero tabata tin mas hende adicional.
