Diaranson mainta ex-parlamentario y ex-minister Candelario Booshi Wever, tabata na Ministerio Publico, unda cu el a entrega un rappel na officier van justitie. Esaki tabata e di tres rappelbrief cu el a entrega riba e denuncia cu el a haci dia 2 di december 2019.
Aña pasa, despues di e di dos rappel entrega dia 5 di juni 2020 Ministerio Publico a contesta y a bisa cu ta bezig cu ne. Awo, un aña despues no a tende nada cu Wever a entrega contra Otmar Oduber riba compra cu tabatin hopi acto straño, pa privilegia un hende.
Diaranson a entrega e di tres rappelbrief, pero a amplie cu un denuncia contra director di DOW, contra Prome Minister Evelyn Wever-Croes y contra e Minister di Finansa y Asuntonan Economico, Xiomara Maduro.
E caso di Otmar Oduber, tur hende sa kico a pasa cu e destaho bao man na fin di 2018, unda cu tabatin yen di bay bin door di e ex-minister aki. Siman pasa por a tuma nota di un declaracion di tanto director di DOW, pero tambe di e director di Directie Wetgeving cu tambe casi sigur lo tin un denuncia, sinembargo e no a duna mucho declaracion contradictorio.
Si ta denuncia Marlon Croes, kende, den nomber di e prome minister y di e minister di finansa, a desvia di e destaho publico. Pa por desvia di e destaho publico, mester tin un MB firma pa e minister concerni. E minister concerni awe ta e prome minister hunto cu minister di asuntonan economico y finansa, den e caso aki Xiomara Maduro.
Pa mas detaye registra riba www.trempan.com
