Un biaha mas a bati alarma pa un candela riba dump cu ta causa
molester. Lo peculiar ta cu e candela aki a cuminsa den oranan di
anochi di dialuna, ora cu no tin ningun movecion na e area aki.
A bati alarma pa 10.40. Personanan den bisindario tabata haya holo
fuerte di candela. A resulta cu un biaha mas esaki tabata riba dump.
Por a nota cu e tabata un candela basta grandi y rato rato por a
scucha tiro di materialnan cu ta explota.
E candelanan asina normalmente ta laga nan paga di nan mes. Pero hecho
ta cu mester haci un investigacion profundo di con cada bes tin
candela, y pio na e oranan aki, pa sa si e ta un acto intencional.
