Diaranson mainta, den careda di 10’or y mey a tuma luga un candela na Theo Heyliger Building den Simpson Bay. Di acuerdo cu SMN News, cu tabata tin un explosion prome cu e candela.
Vocero di polis, Ricardo Henson a confirma cu tabata tin un candela den e edificio y cu bomberonan a logra paga e candela.
Henson a bisa cu por lo menos un persona, un contratista a keda herida cu heridanan leve y actualmente inspectornan di gobierno ta investigando causa di e candela.
E victima a wordo trata na e sitio pa paramediconan y no tabata tin mester mas asistencia medico.
Tin cu nota cu miembronan di staff for di tur compania estatal lo ta moviendo den e edificio nobo aki.
Ya caba TELEM y GEBE tabata bezig ta moviendo mientras cu e staff administrativo di Princess Juliana International Airport pronto lo muda pa eynan tambe.
courtesia di St. Martin News Network
