Cuerpo di Bombero a confirma awe cu e candela cu a tuma luga ayera tardi na cas di Otmar Oduber na Pavia 123 a cuminsa den su cushina. Con el a cuminsa y si por papia di un candela intencional, ainda no por bisa y mester warda riba e investigacion di Polis.
Bomberonan a haya un yamada pa 3:09pm di bisiña, bisando cu e cas ta na candela. E prome unidad di Brandweer a topa cu un formacion di huma den e cas y cu e cushina na candela. A combati e candela den un rato di ora. E cas ta relativamente nobo, pues e investigacion lo mester saca afo awo origen y motibo di e candela aki.
