Polis a bay pura mainta trempan pasa di 7:00 na Caya Martinique den Village. A drenta diferente yamada cu tin candela hopi grandi. Unidad di polis a pidi presencia urgente di bomberonan. Na yegada nan a cuminsa paga e candela. E cas ta bandona.
Tabata Caya Martinique number 7. Palo di luz tambe a pega candela y sufri daño cu e vlamnan grandi. A logra domina e candela na Caya Martinique sin cu esaki a expande na otro casnan den cercania. E cas mes no ta habita. Logicamente un hende a cende e candela intencionalmente mirando con tur cos a sosode.
Autoridad a keda basta rato ocupa pa tene e espacio liber pa bombero y Elmar por a haci nan trabou. A avisa WEB tambe pa asina atende cu tubonan kibra. Tin cas a keda afecta sin coriente y otro sin awa pa loke a sosode na Caya Martinique 7.
