Dialuna merdia den careda di 3:30pm, a drenta informe di un candela di mondi bastante grandi n’e area entre Rooiweg y Weg Rooi Hundo.
Rapidamente varios unidad di bombero a yega n’e sitio, p’asina controla e candela p’e no sigui expande. Un tarea sigur no facil, mirando e biento duro cu tabata suplando. E luga aki na mas di un ocasion nan a cend’e na candela caba.
Un tempo atras, a rosa ful e tereno aki pa asina prepar’e pa cuminsa traha cas riba dje. Pero mientras cu tur e proceso ta cana su caminda, tin algun pyromaan cu ta cana pega e matanan rib’e tereno na candela.
Cu basta trabou, e bomberonan a logra paga e candela aki., pa asina evita cu e ta bolbe expand’e y forma peliger pa e casnan den bisindario.