Cu maximo urgencia a mobilisa diferente truck y tankwagen direccion Rooiweg / Weg Fontein pa un candela di mondi asina grandi cu tabatin mester di hopi man pa combati esaki. E prome unidad cu a yega a bati alarma mesora cu e ta bastante grandi y cu lo bay tin mester di man unidad na e sitio.
Esaki a tuma luga den careda di 2:30 pm mientras cu parada di Fantasia a sali y subi ruta di Carnaval. Cu urgencia e diferente trucknan a sali di nan post y bou sirena tabata dirigi nan mes pa San Nicolas.
Na yegada a bin topa cu diferente cas bou menasa di candela. E candela di mondi aki tabata den un area patras di diferente cas. El a expande masha lihe cu a haci cu mester a traha rapidamente pa frena e candela aki.
Na sitio a compronde cu asina mes un cuarto lo a ricibi daño di candela, pero afortunadamente ningun cas a coy candela. Despues di algun ora, e candela tabata bou control. Por a sinti e efecto di huma y esaki tabata visibel for di un distancia.
