Ta mas cu obvio cu den directiva di Aruba Wieler Bond ta reinando un disgusto grandi pa decision di e Presidente, Randy Wilson, cu a biaha y cancela un careda pa awe diadomingo na Barcadera. Ta parce cu e demas miembronan di directiva no a aprecia e decision aki, pasobra ta sinti cu e careda por a sigui normal, sin e Presidente.
Den un publicacion riba red social, e Comisario di AWB ta insinua cu miembronan mester yama un reunion y presenta un mocion, posiblemente pa baha e Presidente of evita cu ta tuma tipo di decisionnan descabeya asina.
“Si Boso no tin e sport aki na pecho, please baha y laga otro si traha”, tabata palabranan fuerte expresa awe mainta como un forma di disgusto y protesta pa cancelacion di e careda di bicicleta anuncia pa awe.
