Algun siman pasa Headlines Group, e cas editorial di e website mas mira na Aruba, esta 24ora.com, a anuncia un campaña di “Like & Share” riba su pagina di Facebook. Premionan ta un estadia pa Semana Santa na Tropicana Aruba Resort & Casino, un jug yena cu productonan di Tropical Bottling Company y un cena pa un famia na Marina Pirata Restaurant.
E premionan
E “post” di e premio di cena na Marina Pirata a alcansa 55 mil usuario riba Facebook. Casi 3 mil usuario a comparti (share) e publicacion mientras cu casi 2 mil usuario a gust’e (Like). Priscella Henriquez a gana e premio aki.E publicacion di e Jug “Full Equipped” a alcansa casi 70 mil usuarui, di cual mas di 3 mil usuario a comparti’e y mas di 2 mil usuario a guste. Gino Colina a bay cu e premio.E premio grandi, esta un estadia pa e fin di siman santo den Tropicana Aruba Resort & Casino a bay pa Evalyn Henriquez. E publicacion a alcansa mas di 160 mil usuario, di cual casi 12 mil usuario a comparti’e y mas di 6 mil a gust’e.
24ora.com ta sigui crece
Headlines Group ta orguyoso di anuncia cu tanto e website mes como e pagina riba Facebook ta sigui crece den forma explosivo. Asina a logra riba 2 mil “likes” nobo durante e campaña aki, di cual 24ora.com ta subraya su posicion di ta lider riba Facebook na un forma solido. A alcansa 54 mil “likes” riba Facebook y mas cu tur cos, ta solido na # 1 tambe den “engagement”. E ultimo aki ta masha importante pasobra ey ta determina paginanan cu tin “likes” di berdad y cu usuarionan activo, compara cu esunnan cu a “cumpra” likes. Riba e grafico por mira claramente e 11 paginanan di Aruba di mas grandi riba Facebook.
