Dia 28 di mei ta dia internacional di higiena menstrual, un dia unda kier kibra e tabu y genera consciencia riba e tema aki. Always y Tampax, marcanan mundialmente reconoci pa nan linea di producto femenino ta reconoce e desafio- y dificultadnan cu hopi hoben y adulto ta enfrenta durante nan menstruacion y ta habri e dialogo riba e topico aki na Aruba.
Mundialmente tin hopi hende muhe cu no tin acceso na producto di higiena femenino adecua, mucha muhenan cu ta keda sin bay scol paso nan tin nan periodo y no tin e producto femenino cu ta laga nan sinti comodo y sigur di nan mes. Otro cu ta stop di haci deporte paso nan tin miedo cu nan no tin e proteccion adecua y ta perde e oportunidadnan valioso. Always y Tampax, hunto cu nan distribuidor na Aruba, Compra Ltd., kier pa tur hende muhe na Aruba sinti nan mes comodo y por enfrenta tur reto, tambe durante nan menstruacion cu confianza y siguridad.
P’esey ta lansa un campaña unda Always lo haci donacion di un pad pa cada paki di Always of Tampax cu bo cumpra na cualkier supermercado rond di nos isla. Esaki lo ta desde 28 di mei te cu 28 di augustus 2021. Donacion a drenta caba na Famia Planea Aruba & Red Cross Aruba, kendenan desde 28 di mei lo distribui e productonan di higiena femenino na esunnan den necesidad.
Always y Tampax a acerca Famia Planea Aruba pa un colaboracion. Ghislaine Koeiman, representante di Famia Planea Aruba, a informa esunnan cu presenta cerca nan entre 28 di mei te 28 di augustus lo haya nan pads. Tambe lo duna tayer (workshop) di salud sexual integral for di Famia Planea Aruba y nan lo haya un regalo. E mensahe cu Koeiman tin ta pa aporta na e campaña aki hunto cu Always. Famia Planea ta contento di por contribui y colabora c’un proyecto asina bunita.
Total lo duna mas di 10.000 producto femenino den un periodo di 3 luna. E imagen di e campaña ta futbolista local Sundari van der Linden. E ta reconoce e impacto cu deporte ta haci den su bida y kier sigura cu otro hoben tambe tin acceso na producto di higiena adecua pa nan por practica deporte ora nan kier y sinti sigur di nan mes semper. Durante e campaña e team promocional di Always lo bishita diferente punto di benta, cuminsando e weekend aki pa duna informacion di producto, di menstruacion y di e campaña aki y mas cu claro lo tin regalo chikito pa tur esunnan cu participa. E weekend aki por topa e team di Always diabierna na Cheng’s Supermarket di 5:00 pm pa 2:00 pm, Diasabra di 10:00 am pa 2:00 pm na Super Food y diadomingo di 10:00 am pa 1:00 pm na Hong Kong Paradera.
