Awe diadomingo e trabounan na e waf chikito a keda cla, esaki despues cu Departamento di Obra Publico a informa cu lo bay cuminsa cu trabou di asfaltamento di e caminda dilanti di e waf chikito na L.G. Smith Boulevard. E trabou a dura 5 dia.
Na cuminsamento, e comerciantenan no tabata mucho contento cu esaki debi cu segun nan “no tabata e momento oportuno.” Nan ta sinti cu por a haci e trabounan den e cuater lunanan cu Aruba tabata den ‘lockdown’ y no ora cu tin hopi turista.
Mester menciona cu Departamento di Obranan Publico (DOW) mes a ehecuta e trabounan aki. Ta remarcabel cu a opta pa traha den dia y durante oranan di marduga. A instala luznan grandi na e sitio pa e trahadonan por a haci trabou di cobamento, basha asfalt nobo y embeyece e area completo, cu ta keda net dilanti e area turistico unda barconan crucero ta yega.
Tin di remarca cu, awo e caminda a bolter. E entrada ta for di Weststraat y djey por sali via L.G Smith Boulevard.
