Hector Carrion, habitante di Noord Cura Cabay, a topa cu un cantidad di galiña y gay morto den un cura cu ta propiedad di un grupo di shete persona. Awe mainta tempran el a haya un yamada caminda cu cachonan a drenta den un cura di galiña y a mata un cantidad di galiña y gay.
Pa 7:00pm el a sali for di e cura di galiña cu gay, lagando tur cos trankilo. El a sigui splica cu den dia, despues di a mira e sucedido, el a yama polis pa traha un rapport. Polis a bis’e cu lo papia cu doño di un di e cachonan cu por a drenta pa asina e responsabilisa pa e daño.
Segun Carrion nan ta mas of menos 4 cacho cu ta cana hunto y ta causa desaster tur dia. Nan ta ataca hende, nan ta haci hopi daño. Cu dolor na su curason e mester a mata tur e galiñanan cu tabata mordi. Ta por lo menos 40 galiña a muri awe na man di e cachonan.