Pa un descuido un sospechoso cu tabata den man di husticia a logra huy diamars mainta. Unidad di San Nicolas a para un auto sospechoso na Sabana Basora. E tabata medio hinca den mondi. E tabata un Kia Picanto. Un homber flaco color bruin cu flanel y short blauw tabata na stuur. E tin cabey poco largo.
Ora a pidi pa takelwagen y tambe transporte policial, e sospechoso a mira un chens pa e sali core. El a drenta mondi na careda. A pidi yudansa di mas polis. Diferente unidad di otro distrito y departamento a bin pa yuda cu e buskeda.
A busca den e mondi di Sabana Basora direccion Rooi Frances y Rooi Taki. A confisca e vehiculo y transporte cu takelwagen pendiente investigacion. Un rato despues a compronde cu tabatin un detencion den e area y cu a transportea un persona pa warda di San Nicolas pero no por confirma si ta trata di e mes un persona cu a huy.
