Den e Business event di aña pasa, SETAR a tene un presentacion encuanto di avancenan di tecnologia y kico tur ta spera nos den e proximo decada.
E aña aki SETAR a organisa e Business event den e mesun trend y a concentra riba e efectonan di tecnologia riba e manera di haci negoshi den futuro.
Sr. Roland Croes, director di SETAR, a papia di desaroyonan importante na Aruba y den e mundo di telecomunicacion. A pesar di tur e cambionan y retonan SETAR a logra mantene un ganashi acceptable. Roland Croes a bisa tambe cu ta danki na e transformacion haci den e compania y e esfuersonan pa tuma decisionnan necesario ta pone cu SETAR ta y lo keda den e bon direccion. SETAR den cuadro cu e efectonan cu ta regarda inteligencia artificial y otro aspectonan di tecnología moderno a invita un orador cu ta un experto den e efectonan cu e tecnología moderno tin den tereno laboral y den comercio.
“Trahadornan no mester tin miedo di Inteligencia Artificial mescos cu nos antepasadonan tabata tin miedo di mechanisacion y electricidad. Tur esei a cambia nos manera di traha den nos trabou, pero ela duna nos mas oportunidad tambe y no a tuma nos lugar como trahador. Esaki lo pasa e biaha aki tambe.” – según Byron Reese
E orador invita Byron Reese a papia e aña aki encuanto e efectonan di tecnologia riba e mundo di ‘retail’. Sr. Reese ta un ‘futurista’ cu mas di 25 aña di experiencia den technologia. Ela lanta varios compania den e areanan tecnologico y tin diferente patente riba tecnologianan nobo den area di Inteligencia Artificial. E ta un personahe multifacetico y den un manera unico Sr. Reese a splica e retonan y alabes e oportunidadnan cu lo surgi den futuro pa trabounan y efectonan di tecnologia riba e mundo di ‘retail’.
E ta escritor di varios buki cu ta explora e mundo tecnologico di mañan y na un manera special Sr. Reese a logra deleita e audiencia cu su presentacion yen di energia y vitalidad.
Segun Reese: “E problema di mas grandi di mayan ta cu lo no tin un cantidad di desempleo sinembargo un demanda pa hende cu por haci uso di e ventahanan y tur e oportunidadnan cu e tecnologia ta bai ofrece.” – Byron Reese
Reese ta di opinion cu den mundo di futuro ta bay tin mester di trahadornan cu diferente abilidad pa uza tecnologianan di futuro pa hisa e productividad y efectividad den compania. “Tecnologia ta continua di transforma e lugar di trabou. Esei ta sigur. Pero e lo bai haci e humanonan mas valioso.”
“Trahadornan no mester tin miedo di Inteligencia Artificial mescos cu nos antepasadonan tabata tin miedo di mechanisacion y electricidad. Tur esei a cambia nos manera di traha den nos trabou, pero ela duna nos mas oportunidad tambe y no a tuma nos lugar como trahador. Esaki lo pasa e biaha aki tambe.” –segun Byron Reese
