Elvin Geerman, Coach di Bushiri Boys pa mas cu 17 aña ta bisa cu Bushiri Boys pa hopi tempo ta draai riba nan propio forsa. Geerman tin mas cu 7 aña cu no ta coach mas anto awo a bini awo un torneo di zaalfutbol, resultando cu nan a bin saca Geerman for di su cas pa coach bin join. “M’a bisa okay, ta bon.”
E coach a bin, saca placa for di su propio saco tambe pa yuda unda mester, a bay traha y print e uniform pa e muchanan. Office Systems ta kere den Bushiri Boys pa nan por continua cu nan esfuerso.
Nan a bay simplemente pa participa y no a spera cu e muchanan lo bin cu un bon resultado asina. Durante cu nan a bay wak tur e team di por ehempel Compra,Bright Bakery y otronan cu ta e negoshi ta paga pa nan. “Tshirt no ta haci tur cos, ta loke bo hunga riba veld ta bal. Anto ami tabata sa kico mi tabata tin riba veld.”
A haya un sosten via di Carlos Maduro, un tremendo persona cu a scucha e propaganda riba 24ora anto kier a mesora tuma contacto cu coach Geerman pa aporta. “Di ora el a cuminsa papia cu mi, mi curason a bati duro, ta cos cu nunca mi lo a pensa pa yega na e uniform p’e muchanan. Ta hopi aña mi a lucha den e cos ki anto el a sali realidad,” segun Geerman.
E coach awo a lanta cu e muchanan cu awor tin 19 pa 20 aña, y awor tin mas mucha jong cu kier e coach yuda nan. “Esakinan a yega na nan nivel cu nan ta haci bon trabao y awor mi ta bay cuminsa cu esunnan chikito, si Dios duna mi forsa.
