Diasabra anochi personal di CEA cu ta cuida e edificio di Cocolishi a bati alarma na polis pa un auto mal staciona. Na yegada di polis a constata un bus di tour para dilanti e ‘hefboom’ unda e ministernan ta drenta pa parkeer nan auto na Cocolishi.
Na sitio a compronde cu ta un minister a presenta un rato prome y no tabatin acceso pa bay parkeer su auto. No a dura mucho cu e chauffeur di e bus a presenta y topa polis rond di su vehiculo. Polis a splic’e bon cla cu e no por parkeer eynan. E chauffeur a compronde e punto di bista di e polis pero ta apenas e tabatin algun minuut para eynan.
El a bisa polis cu e no tabata sa cu minister ta traha diasabra anochi. Tin tur indicacion cu sea e minister no a haya un luga di parkeer den e area y a dicidi di uza e parkeerplaats di Cocolishi. Na final polis a duna e chauffeur di e bus un multa pa djey sigui cu nan patruya riba caya.
