Diasabra awo 30 di juni, e unico Domino Square Garden na mundo, esta 99 Bar & Restaurant na Kudawecha/Calabas, lo bira scenario un biaha mas di un primicia, esta e entrada di Team Bubali den e arena di domino na Calabas.
Si shonnan, Team Calabas a acsepta e challenge! Nan lo tey na 99 Bar & Restaurant, anto con! Esnan cu conose e gang di cacho brabo y e manada di Kayman di Bubali Plas di tempo di Snack Ranch den decada milennium sa ta kico nos kermen! Ban wak si e anochi aki “el teror de Kamay” lo presenta pa pone e kayman nan di Bubali Plas “zing een toontje lager”! Shonnan keda pendiente pasobra diasabra awor un tabla grandi ta bay bula den e famoso 99 Bar & Restaurant! Un detaye cu sigur sigur lo sa di atrae un cantidad grandi di fanatico ta e echo cu e Chicas Polar lo tey un biaha mas pa hypnotisa un y tur cu nan beyesa y alavez parti premionan fabuloso pa partisipante y fanaticada!
Cos ta hot den e Domino Square Garden! Den ultimo encuentro e candeloso Team Snor a sa di gana Team Sero Blanco cu score di 21 – 19!! Keto bay Snor, e unico equipo cu no ta spaar placa ariba uniform, ta trahando ariba su reputacion di ta “the team to beat”!
Shonnan, tur cu a yega di bin wak wega na 99 Bar & Restaurant sa caba cu e snacks nan ta lora sabroso y completamente gratis cortesia di unico Domino Square Garden na mundo, y e ambiente ta uno sigur sigur di Mundial! Yega, diasabra awor, 30 di juni, cuminsando pa 8’or di anochi p’e candeloso encuentro entre Team 99 y Team Bubali!!
