Dialuna ta habri cu poco mala suerte pa motociclista. Na rotonde Las Americas for di L.G.Smith Blvrd. a sosode un accidente entre un auto y un brommer caminda e manehado a resulta herida.
Esaki a pasa den careda di 11:00AM na momento cu e chauffeur di un KIA lo a asumi cu e brommer lo a subi rotonde y cuminsa core como cu e tabata ref e brommer su dilanti.
E no a percata cu e brommer no a sigui core pero cu ainda e tabata para wardando turno pa sali. E chauffeur a cuminsa core pero na momento cu el a tuma nota cu e brommer ainda tabata su dilanti tabata laat. El a bay dal su tras practicamente subie completo.
E manehado di e brommer a resulta herida y tabata keha di basta dolor na pia. A pidi presencia di ambulance mientras cu polis tabata atendiendo e accidente na sitio.
