Personal di siguridad di un casino a pidi presencia di polis pa un problema di pareha cu a escala te na menasa serio di morto.
Esaki a tuma luga alrededor di 11:15 pm riba diasabra anochi. Diferente unidad a presenta na Glitz Casino di La Cabana Hotel den area di Noord, pa atende cu un homber cu tabata asina balente di golpia su pareha dilanti tur presente.
Mesora e siguridad a bay atende cu dicho agresor cu no a gusta cu a hala su atencion. A pidie tambe pa bandona e localidad y aki ta caminda a cuminsa ofensa y menasa serio cu morto.
A detene di biaha pa menasa di morto, dicho expresion sigur lo bira cargo basta serio den su contra.
