E preocupacion di Booshi Wever a bira mas grandi. Pakico? Pasobra dos dia pasa a sali den medionan di comunicacion, un entrevista cu otro periodistanan cu tin cu haci loke minister Otmar Oduber ta bisa. Den e caso aki a bay entrevista un di e directoranan di Serlimar.
Serlimar ta un noodleidend bedrijf di pueblo, unda cu e ta bay asina bon, of asina malo cu ta pone dos director, cu salario di director. Algo incomprendibe. No tin otro ministernan ta wak esaki.
Enbes di nan manda otro directora, kende tambe ta un politico, pasobra e discusion riba Serlimar ta purbamente politico. Ora cu ta keda sin manda e politico y manda un persona pasobra e ta toca Wever pa famia, ta kere cu ta pone un toontje lager.
Wever ta manda bisa Otmar cu e ta mande papia cu un toontje hoger y met volle borst. Esaki ta dun’e mas motibo cu tin hopi porkeria den e deal di mudamento, e deal di incinerator, e deal di trucknan. Tin cosnan straño ta pasando. Ora cu scucha e argumentonan cu ta wordo uza manera ta den area residencial.
Tin cu wak mas leu cu e edificio tin mas di 50 aña eynan. E kantoor supuestamente ta move, pero trucknan ta keda. Si tin un molester pa e bisiñanan, ta e trucknan, no esnan cu ta bin traha.
Un otro escusa ta cu no tin suficiente bentana. Wever a keda informa cu si tin un oficina cu no tin bentana, ta esun di IT. Y ta normal cu den cualkier empresa cu tin un IT Departament den nan, ta insole, pa motibo di siguridad. Ta uza esey como argumento pa muda. Bisa dicon no ta bay huur e edificio, dicon no ta bisa cu ta huur’e for di un Hulandes Europeo, cu a sponsor, cu ta call the shorts den POR. Paytime a yega, y pesey ta bay. Ta bay haci manera un hende cu tin cu bay sconde bao di saya di un señora, pa bin purba cera boca di Wever.
Booshi Wever kier pa ta un señal bon cla. Esnan cu ta paden cu ta kere cu gritamento, cu intimidacion. Ya caba nan a duna warning na e security dia cu Wever drenta, dia cu el a saca potret, por a mira riba e borchinan cu no tin motibo cu e no por drenta, a haya warning. E cultura di miedo y intimidacion ta tumando luga pa keda keto. Hasta pa purba di keta keto, hende ta rifa pa fiesta di bachata den ora di trabao. Tur cosnan aki ta pasando. Na un compania di gobierno, cu ta bay mov’e pa bay na un luga cu sa cu e doño ta e sponsor grandi di POR.
Pueblo di Aruba tin cu bay paga 50 mil florin pa luna, 600 mil pa aña y a tende di e minister di enseñansa bisa pa kita schoolgeld. Unda nos ta bay? Cuanto scol mester di un yudansa. Tin cu mira con bon e edificio ta pa por bisa cu e ta deplorabel.
Wever tin di compronde di esnan cu tabata tey, cu nunca esey a pasa. Wever ta duna e beneficio di duda y ta pidi pa mustra pueblo e carta cu ta bisa cu no tin suficiente luga. El a bisa den un entrevista anterior cu tin hopi luga, pero ya caba tin un hala di hende a keda nombra. Kisas pesey no tin luga. Y pa esnan cu e kier bay nombra, pasobra esey tambe tin.
CAFT ta bisa pa no nombra, RvA ta bisa pa no nombra y sr. Otmar Oduber ta sigui cu e fiesta. Pesey e crisisheffing mester a bin. Pesey CAFT a bisa cu e crisisheffing no ta un crisisheffing. E ta un gozaderaheffing, segun Wever. E fiesta ta sigui. CAFT a bisa esey riba pagina 3 di e rapport cu el a skirbi recientemente. Nan a skirbi cu e crisisheffing no ta un bestemmingsheffing. Ta un heffing cu ta bay den Algemene kas cu por wordo gasta pa kico cu ta. Ta cosnan cu ta lamentabel cu ta sosode awor aki cu ningun hende ta cuestiona, Wever a menciona.
