Diadomingo atardi Polis a wordo manda cu urgencia den direccion di Calabas. A drenata informacion cu tin un homber arma cu machete ta buscando problema. Hasta a menciona cu tin hende sera den cas pasobra pafo tin hende kier agredie.
Tambe a menciona cu nan kier kibra e porta cu e machete pa drenta e cas. Polisnan di Noord a yega mesora na e adres. Eynan a atende na dos diferente cas. Na e cas blanco banda di pariba tin un sospechoso ta biba cu ta e causante di e problema na Calabas. Despues cu Polis a scucha e grupo na e cas banda di pabou a atende cu esun cu ta causa problema. E homber aki a keda deteni den veranda di cas. Parce cu e no ta masha bon di cabez pasobra e ta usa substancianan malo cu ta afecte. Polis a hinke den dogcatcher y bay cune warda di Polis.
Eynan lo notifica e persona cu ta atende cu situacionnan asina pa mira unda por hinca e sospechoso. Kier mira con por yude mirando e problema di droga y evita cu mas problema por sigui. No tabata tin ningun machete envolvi. Mas bien tabata agresion si pero e sospechoso a dal su bisiña cu coco den cabez.
