E siman aki Boneiro tin eleccion, pero por sinti cu nan ta dividi. Nan ta dividi riba e parti di bienestar di progreso p’e hendenan di Boneiro.
Alberseeto Cecilia, candidato di M21, a splica cu Boneiro a desaroya hopi, pero na tur momento no tabata den probecho di e mesun hendenan. Nan no a probecha dje status cu nan a drenta di bay na Hulanda y pidi locual mester p’e mesun hendenan.
Loke mester cambia ta bini cu iniciativa y bay Hulanda, negosha y bisa locual Boneiro mester. Pasobra nan ta sinta eynan, pero Hulanda no ta mira kico e hendenan ta pasa aden na Boneiro. Esey ta pone cu hopi bes ta laga hende di Boneiro keda atras. P’esey mester bin cu e iniciativa di bay Hulanda y bisa loke mester, pero tambe para p’e puntonan ey.
Despues cu e status di Boneiro a cambia, segun Chon Theodora, candidato di MPB, a mira un cambio den direccion positivo. El a dura un tiki, pasobra tabatin un poco di confusion con e mester a bira. Mirando e desaroyo dje gobernantenan di e ultimo cinco bin ariba, a cuminsa traha riba e confiansa cu gobierno mester tin cu e gobierno di Hulanda ta concretisa cos. E cosnan a cuminsa cana, yudansa a cuminsa bin fo’i Hulanda den cooperacion cu e gobierno actual.
“Aworaki nos mester cera cabes pa por sigui cu e seriedad pa crece e confiansa, pa mas determinacion pa yudansa sigui drenta Boneiro”, el a expresa.
Edison Ellis, candidato di MPB, a splica cu na 10-10-10 nan a sali fo’i Antias. E ta lamenta esaki, pasobra tin hopi vehiculo di familiar cu e islanan hermano, esta Aruba, Corsou y Boneiro. Semper tabata hunto cu otro, incluso awo cu a separa por mira cu asina mes a keda cu otro. A keda cu e vehiculo di familiar unda un ta yuda otro y di mir’e dje tempo ey pa awor, a bin cambio grandi.
Esaki ta debi cu tabata den Antias caminda e islanan tabata hunto. Awo a cay direct bou e laso di Hulanda, di cual awo directamente ta yega na tur loke pueblo tin necesidad di dje. A logra basta, segun Ellis.
Pa mas lesa TREMPAN.COM.
