Durante e siman aki CineAruba tawata tin bishita di representante nan di e projecto 48 hour for di Boneiro.
Pa medio di e articulo aki Sr. Dennis Martinus y su comite ta invita tur esnan cu ta traha short movies na Aruba pa participa.
For di 2 di november 2018 te cu diadumingo 4 di november tur participante tin e oportunidad di crea un pelicula cortometrahe di 4 pa 7 minuut den 48 ora y entrega esaki e ultimo dia. Diahuebs 1 di november tur esnan cu a inscirbi ta haya for di e organisadonan e rekisitonan necesario.
Pa mas informacion y inscripcion por bishita e pagina riba Facebook di Bonaire 48 Hour film proyect. E premio nan pa e film ganado lo ta grandi y ta inclui presentacion di e short movie na festivalnan grandi rond mundo.
