Diaranson anochi alrededor di 10:30 pm a sosode un accidente fuerte riba Green Corridor. Aki ta caminda cu un auto color blanco modelo RHD biniendo di San Nicolas pa Playa, pa un motibo of otro a perde control y bay dal contra di e blokinan memey caminda.
E impacto tabata asina fuerte cu hasta airbag di e auto a sali. E chauffeur a resulta seriamente herida, pa cual ambulance cu urgencia a presenta na sitio pa djey transport’e pa hospital p’e ricibi atencion medico avansa. Den e proceso, a cera ambos banda di caminda p’asina e specialista di trafico por documenta e accidente sin cu ningun auto ta pasa.
